News and Updates

यस संस्थाको वार्षिक कार्ययोजना बमोजिम संस्थाको ठोसे सेवाकेन्द्रको आयोजनामा आज मिति २०८१ माघ २७ गते, आईतबार गोकुलगंगा गा. पा. २ स्थित शारदा उच्च माध्यमिक विद्यालयको सभाहलमा “विद्यालय शिक्षा कार्यक्रम” सम्पन्न भएको छ । संस्थाका नायब प्रमुख कार्यकारी अधिकृत श्री रामबहादुर खत्रीले संचालन गर्नु भएको उक्त कार्यक्रममा वित्तिय साक्षरता अन्तर्गत सहकारीको परिचय, युवा वित्तीय साक्षरता, संस्थाले प्रदान गरिरहेको सेवा सुविधा तथा प्रविधि साक्षरता लगायतका विषयहरुमा संस्थाका प्रमुख कार्यकारी अधिकृत श्री रामकृष्ण रायक्षेत्रीले प्रस्तुतीकरण प्रस्तुत गर्नुभएको थियो । उक्त कार्यक्रममा संस्थाका संचालक समिति सदस्य एवम् ठोसे सेवाकेन्द्र व्यवस्थापन उपसमिति संयोजक श्री युवराज बस्नेत, विद्यालयका प्रधानाध्यापक, सह-प्रधानाध्यापक, शिक्षक, कक्षा ९, ११ र १२ मा अध्यनरत विद्यार्थीहरु सहित १०९ जनाको उपस्थिति रहेको थियो ।

अब एकीकृत फ्रेण्डसिप सकोसको मोबाइल एप्स प्रयोग गरि विभिन्न २७ ओटा बिमा कम्पनीहरू को प्रिमियम भुक्तानी गर्नुहोस !!

दोलखा जिल्लाको जिरीमा मुख्य कार्यालय रहेको एकीकृत फ्रेण्डसिप साकोसको आफ्नो वार्षिक कार्ययोजना अनुसार संस्थाको गौरव सेवाकेन्द्रको आयोजनामा आज मिति २०८१ फाल्गुन १२ गते, सोमबार जिरी न. पा. वडा नं. ४, कुने स्थित गौरव सेवाकेन्द्रको सभाहलमा “विस्तारित मञ्च तथा वित्तीय साक्षरता कार्यक्रम” सम्पन्न भएको छ । सहकारीको परिचय, बचत तथा ऋणको महत्व, पारिवारिक बजेट, संस्थाले प्रदान गरिरहेको सेवा सुविधा तथा प्रविधिमार्फत प्रदान गरिरहेका सेवाहरु लगायतका विषयहरुमा विस्तारित मञ्च तथा वित्तीय साक्षरता कार्यक्रम संस्थाका प्रमुख कार्यकारी अधिकृत रामकृष्ण रायक्षेत्रीले प्रस्तुतीकरण प्रस्तुत गर्नुभएको सो कार्यक्रम संस्थाका नायब प्रमुख कार्यकारी अधिकृत राम बहादुर खत्रीले संचालन गर्नू भएको थियो । विस्तारित मञ्च तथा वित्तीय साक्षरता कार्यक्रममा गौरव सेवाकेन्द्र संचालन उपसमिति सदस्य भगवती कार्की, मिन बहादुर जिरेल सहित ७० जना सदस्यहरुको उपस्थिति रहेको थियो ।