रामकृष्ण रायक्षेत्री
“नेपालको स्वीजरल्याण्ड” उपनामले परिचित दोलखा जिल्लाको सुन्दर पर्यटकीय नगरी जिरीमा नीति , विधि र प्रविधिमा आधारित भएर २०४८ देखि अभिछिन्न रुपमा सञ्चालित यस एकीकृत फ्रेण्डसिप बचत तथा ऋण सहकारी संस्था लि.ले आफ्नो स्थापनाकालदेखि हालसम्म सदस्य केन्द्रित कृयाकलापहरु संचालन गर्दै अभियानमा आफ्नो छुट्टै पहिचान बनाउन सफल भएको छ । प्रतिस्पर्धी बचत तथा ऋण सेवाहरु एवम् समय सापेक्ष सदस्य सेवा तथा सुरक्षाका विविध कार्यक्रमहरुमार्फत सदस्य र समुदायको आर्थिक, सामाजिक, साँस्कृतिक र वातावरणीय विकासमा अग्रगामी भूमिका खेल्दै सदस्य र समुदायको विश्वास जित्न सफल यस संस्थाको देशभर मात्र नभई एशीयालीस्तरसम्म फैलिएको साखलाई सदैव जोगाई राख्न व्यवस्थापने अथक र निरन्तर प्रयास गर्नेछ । “सदस्य हाम्रा भगवान हुन्” भन्ने मूलमन्त्रलाई आत्मासाथ गर्दै सदस्यको आर्थिक र अन्य समग्र पक्षमा सहकार्य गर्दै सदस्यलाई उन्नत जीवन यापन गर्न सहयोग पुर्याउने व्यवस्थापन प्रमुखको हैसियतले म सम्पूर्ण कर्मचारीको तर्फबाट प्रतिवद्धता व्यक्त गर्दछु ।
सहकारी ऐन, कानून, सिद्धान्तहरु, संस्थागत मुल्य र मान्यता, छाता संगठनहरुको मार्गदर्शन, नियामक निकायहरुको निर्देशन, सञ्चालक समितिको निर्णय तथा सदस्यहरुको सुझावहरुलाई संस्था विकास र सदस्य हितको मूलमर्म ठानी सोहि अनुरुप आफ्ना सेवा तथा कार्यक्रमहरु अगाडी बढाउन व्यवस्थापन सदैव कटिवद्ध रहि न्यून आय वर्गमा परेका सदस्यहरुलाई सिपमूलक, आयमूलक र रोजगारीमूलक अवसरमा सहभागी गराई सहकारीमार्फत सदस्यको जीवनस्तर उकास्ने संस्थाको दीगो विकाससम्बन्धी लक्ष्य पूरागर्न व्यवस्थापन लागि रहनेछ । “गुणस्तरीय सेवा सहितको दिगो, प्रतिस्पर्धी र उत्कृष्ट वित्तीय संस्था” भन्ने परिकल्पनाका साथ सञ्चालित यस संस्थाको व्यवस्थापनले नीति, विधि र प्रविधिमा आधारित रहेर संस्थाको स्वीकृत विनियमको अधिनमा रही रणनीतिक योजना एवं वार्षिक योजना तथा बजेटको परिधिभित्र रहेर सुसाशन, ईमान्दारीता र पारदर्शिताका साथ सदस्य तथा समुदायको हित हुने कार्यका लागि सदा तत्पर रहि संस्था लिएको लक्ष्यलाई विधिसम्मत प्रकृयामार्फत पुरा गर्दै र सदस्यहरुको हरेक आवश्यकतामा सहयात्रीको भूमिका निभाउन व्यवस्थापन सदैव लागिरहने प्रण गर्दछ ।
धन्यवाद ।